25 Iyun 2024, Çərşənbə axşamı
"Qəbələ"də yeni məşqçi təyinatı
"Şamaxı"da portuqaliyalı qapıçı
Eddi “Neftçi”dən niyə getdi?
"Turan Tovuz"dan yeni transfer

Ölkə futbolu

Sergey Semak: "Neftçi" ilə oynamaq xoş idi"

"İsti qarşılamağa görə təşəkkür edirəm. "Neftçi" ilə oynamaq xoş idi. Səfərə görə rəqib komandanın rəhbərliyinə təşəkkür edirəm. Mübariz yoldaşlıq görüşü oldu. Məncə, azarkeşlər də oyunu bəyəndi. Hamımız razı qaldıq. Yalnız oyunçumuz zədələndi. Amma hamı üçün yaxşı oyun praktikası oldu. Gənc oyunçulara özünü göstərmək üçün imkan verildi".

Futbolxeber.az saytının məlumatına görə, bu sözləri "Zenit"in baş məşqçisi Sergey Semak "Neftçi"yə Bakıda 1:2 hesabı ilə uduzduqları yoxlama oyunundan sonra keçirilən mətbuat konfransında deyib.

O, Bakı təmsilçisi rusiyalı futbolçusu Reziuan Mirzovun sözügedən matçda  dubl etməsinə münasibət bildirib: “İkinci qol çox gözəl alındı. Buna görə, Reziuanı təbrik edirəm. Gənc futbolçularımız həmin anda bunun qarşısını ala bilmədilər”.

Mütəxəssis Rusiyada legioner həyat yaşayan və bu gün vida matçına çıxan Ruslan Abışov haqda bunları söyləyib: "Futbolçu elədir ki, vaxt gəlir karyeranı bitirirsən. Azarkeşlər Ruslan Abışovun qolları və ötürmələri ilə xatırlayacaq. Bakı səfərinə gəlincə, bu, lap çoxdan olub. Bu barədə nəsə demək çətindir. Bakıya həmişə böyük məmmuniyyətlə gəlirəm."

O, “Neftçi” ötən mövsüm Azərbaycan Premyer Liqasında 3-cü yeri tutduğunu xatırladıb: "Azərbaycanın ən populyar klublarından biridir. “Neftçi” və “Qarabağ” çox güclü klublardır. Digər klublar da güclənir. Azərbaycan millisinin son nəticələri ölkə futbolunun inkişafından xəbər verir. Bizdə və Azərbaycanda legioner baxımından qaydalar oxşardır. “Neftçi” ambisiyalı, güclü komandadır, avrokuboklarda çıxış edir. Belə klublarla əməkdaşlıq etmək bizim üçün xoşdur”.

S.Semak Rusiya və Azərbaycan klublarının yay fasiləsində beynəlxalq turnirdə qarşılaşması ideyasını dəstəkləyib: Yaxşı ideyadır. Hər bir klublar hazırlıq dönəmində yaxşı rəqiblər axtarır. Mən buna razıyam. Yayda keçirilmiş "Matç TV" kuboku da yaxşı səviyyədə keçirildi. Azərbaycan və digər ölkələrin klublarını ölkəmizdə görmək xoşdur".

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30