"Differdanj"ın baş məşqçisi: "Bu cür istidə oynamağa öyrəşmişik"

Avroliqanın I təsnifat mərhələsində “Zirə” ilə qarşılaşacaq “Differdanj”ın baş məşqçisi Paskal Karzaniqa oyunöncəsi mətbuat konfransında jurnalistlərin suallarını cavablandırıb.

Futbolxeber.az saytının məlumatına görə, Lüksemburq təmsilçisinin baş məşqçisi “Dalğa Arena”dakı çıxışına belə başlayıb:

- Oyunla bağlı əvvəldən nə isə demək düzgün olmazdı. Sabahkı oyundan sonra konkret danışmaq mümkündü.

- “Zirə”ni təhlil etmisiz?

- Bundan öncə Azərbaycana gəlmişdik. “Düdelanj”ın baş məşqçisi olanda “Qarabağ”la qarşılaşmışdıq. Rəqibin hansı taktikadan istifadə edəcəyini təxmin edirik.

- 3 futbolçunuzun işlə bağlı problemi var idi. Bu, bizim ölkədə maraqla qarşılandı. Demək olar ki, “Differdanj” yarımhəvəskar komandadı?

- Bakıya əsas heyət üzvlərimizdən yalnız bir nəfər gəlməyib.

- Əsas heyət oyunçunuzdu. Bu, problem yaratmayacaq ki?

- Yox, bu, heç bir problem yaratmayacaq.

- Hava istidi. Bu, sizin komandaya əlavə çətinlik yaratmayacaq ki?

- Xeyr, biz bu cür havada oynamağa öyrəşmişik