“Azərbaycan yığması taktiki cəhətdən bizə çətin anlar yaşatmağı bacardı”

23 yaşadək futbolçulardan ibarət Kamerun yığmasının baş məşqçisi Riçard Tova İslam Həmrəyliyi Oyunları çərçivəsində Azərbaycan millisinə qarşı qolsuz bərabərliklə başa çatan oyun haqda fikirlərini bildirib. Futbolxeber.az saytının məlumatına görə, afrikalı mütəxəssis söyləyib:

- Təşkilatçı ölkəyə qarşı oynamaq olduqca maraqlı idi. Hər iki komanda qalib gəlmək üçün bütün mümkün vasitələrdən istifadə etdi. Azərbaycan yığması taktiki cəhətdən bizə çətin anlar yaşatmağı bacardı. Müdafiədə də olduqca səliqəli oynadılar. Buna baxmayaraq, fərqlənmək üçün bir neçə şansımız oldu. Doğrudu, qrupdakı bütün komandaların oyunlarını izləmişəm. Amma indidən kimin neçənci yer tutacağını söyləyə bilmərəm. Biz burda xeyli təcrübə qazanacağıq. Axı, futbolçularımızn əksəriyyətinin 18-20 yaşı var.