“Yaxşı nəticə üçün gəlmişik”

“Oyun barədə onu deyə bilərəm ki, matça çox ciddi hazırlaşmışıq. Səfər oyununa yaxşı nəticə üçün gəlmişik”. Futbolxeber.az saytının məlumatına görə, bu sözləri “Qəbələ”nin hücumçusu Ruslan Qurbanov “Maynts”la oyunöncəsi mətbuat konfransında deyib.

O, vətənə yaxşı nəticə ilə qayıtmaq istədiklərini bildirib: “Yaxşı nəticə qazanıb, Qəbələyə yüksək əhval-ruhiyyə ilə qayıtmaq istəyirik ki, ilin son matçlarına hazırlaşaq. Lakin indi yalnız “Maynts”la oyunu düşünürük. Bizim yaxşı imkanlarımız da oldu, amma şansları qaçırdıq. Lakin futbolda belə hallar olur. Hardasa bəxtimiz gətirmədi, hardasa hazır olmadıq. İstəyirik ki, sabah yaxşı, gözəl futbol nümayiş etdirib, fanatlarımızı, Azərbaycanda “Qəbələ”yə azarkeşlik edəcək hər kəsi sevindirək”.