ÇSKA “Qarabağ”dan 2 milyon avro tələb edir

“Qarabağ”ın maraq göstərdiyi Sofiya ÇSKA-sının yarımmüdafiəçisi Ceyms Eto’o ilə bağlı yeni məlumat yayılıb.

Futbolxeber.az saytının məlumatına görə, bu barədə Bolqarıstanın “Tema Sport” nəşri yazıb. Nəşrin yazdığına görə, ÇSKA kamerunlu futbolçunun transferindən ən azı 2 milyon avro qazanmaq istəyir.

Bildirilir ki, Sofiya klubu “Qarabağ”dan daha yüksək məbləğ də tələb edə bilər. ÇSKA-nın danışıqlarda mövqeyini gücləndirən əsas amil Eto’o ilə müqavilənin əvvəlcədən 2028/29 mövsümünün sonunadək uzadılmasıdır.

Qeyd edək ki, ÇSKA bu mövsüm Avropa Liqasının 2-ci təsnifat mərhələsində “Qarabağ”ı mübarizədən kənarlaşdırıb. Hər iki görüş 0:0 hesabı ilə başa çatıb, penaltilər seriyasında isə Bolqarıstan təmsilçisi 5:4 hesabı ilə qalib gəlib. Həlledici penaltini məhz Ceyms Eto’o dəqiq yerinə yetirib.