Kaşuk Bakıda bu klubla danışıqlar aparıb, razılığa gəldi - EKSKLÜZİV

Bir neçə gündür Bakıda olan Aleksey Kaşukun yeni klubu müəyyənləşmək üzrədir.

Futbolxeber.az saytının əldə etdiyi məlumata görə, ukraynalı futbolçu Hayfa "Makkabi"sinə keçməyə yaxındır.

Maraqlıdır ki, Kaşukla İsrail təmsilçisi arasında danışıqlar Bakıda aparılıb. Belə ki, "Makkabi" rəsmiləri UEFA Konfrans Liqasının II təsnifat mərhələsi çərçivəsində Bakıda "Sabah"ın qonağı olarkən Kaşukla görüşüb; danışıblar. Tərəflər böyük ölçüdə razılığa gəliblər. 

Qeyd edək ki, "Şaxtyor"la müqaviləsi bu yay başa çatan ukraynalı vinger hazırda azad agentdir. Bir müddət əvvəl onun sabiq klubu "Sabah", eləcə də "Neftçi" və "Qarabağ"la danışıqlar apardığı barədə xəbərlər yayılsa da, sonradan Bakıda olarkən futbolçu bunu təkzib etdi