“Mançester Yunayted”dən Sançoya təklif: 7 nömrə və həftəyə 400 min funt

“Mançester Yunayted” Dortmund “Borussiya”sının üzvü Ceydon Sançonu transfer etmək istəyir.

Futbolxeber.az saytının Britaniya mətbuatına istinadən verdiyi məlumata görə, “Qırmızı şeytanlar” 20 yaşlı xavbekə həftədə 400 min ödəməyə hazırdı.

Bundan başqa, İngiltərə təmsilçisi Sançoya 7 nömrəli futbolkanı da vəd edib. Hansı ki daha əvvəl “Mançester Yunayted”in heyətində bu nömrəli formanı Corc Best, Erik Kantona, Devid Bekhem, Maykl Ouen, Kriştianu Ronaldo kimi ulduzlar geyib.

Ümumilikdə, “Mançester Yunayted” ingilis futbolçunun keçidi üçün 130 milyon avro xərcləməyə hazırdı.

Qeyd edək ki, cari mövsüm Sanço Bundesliqada meydana çıxdığı 23 oyunda 14 qol və 15 məhsuldar ötürmə ilə yadda qalıb.