Biliç: “Arsenal”ı məğlub etmək üçün planımız var”

“Təbii ki, kimə qarşı oynayacağımızı yaxşı bilirik. Lakin sona kimi mübarizə aparacağıq. Bu, “Beşiktaş”ın tarixi baxımından mühüm oyundur”. Futbolxeber.az-ın məlumatına görə, bu sözləri ÇL-in play-off mərhələsində “Arsenal”a qarşı keçirəcəkləri oyun haqda danışarkən “Beşiktaş”ın baş məşqçisi Slaven Biliç deyib.

Xorvat mütəxəssis rəqibin güclü olduğunu qeyd edib: “Arsenal” Avropanın güclü klublarından biridir. Amma bizim onları məğlub etmək üçün öz planımız var. Mövsümün əvvəli olsa da, rəqib artıq yaxşı formadadır. Şənbə günü Premyer Liqanın ilk turunda da sona kimi mübarizə aparmaqla qələbə qazandılar. Onu da bilirəm ki, “Arsenal” 12 dəfə ÇL-in təsnifat mərhələsində mübarizə aparıb və hər dəfə də qrup mərhələsinı yüksəlib. Bu, “Arsenal”ın gücündən xəbər verir”.