Van Persi: “Hətta 8:1 hesabı ilə də qalib gələ bilərdik”

“Oyun 6, 7, hətta 8:1 hesabı ilə də bizim xeyrimizə başa çata bilərdi”. Futbolxeber.az-ın məlumatına görə, bu sözləri Hollandiya millisinin hücumçusu Robin van Persi deyib.

İspaniyanı 5:1 hesabı ilə darmadağın etdikləri görüş barədə danışan “Mançester Yunayted”li forvard “narıncılar”ın yeni oyun tərzindən razı qaldığını bildirib: “Qol epizodlarını yaxşı dəyərləndirdik. İlk qol barədə nə deyə bilərəm? Ötürmə anını və Kasilyasın qapıdan irəli çıxdığını gördüm. Bu səbəbdən də risq etmək qərarına gəldim. İndi bu qolun keyfini çıxarıram. Amma komandamız heç bir halda eyforiyaya qapılmamalıdır. Biz hələ ki heç nəyə nail olmamışıq. Qardaşı bizi Avstraliya ilə görüş gözləyir. Güclüyük və gücümüzə inanırıq. Amma arxayınlaşmaq olmaz. Yeni oyun tərzimizi bəyənirəm. Bu, ən ideal variantdı”.