Robben: “Bunu etməliydik”

“Vitse-kapitan kimi bu uşaqlarla fəxr edirəm. Biz bunu etməliydik. Dünya çempionatı öncəsi əla hazırlıq keçdik”. Futbolxeber.az-ın məlumatına görə, bu sözləri Hollandiya millisinin üzvü Aryen Robben deyib.

İspaniyanı 5:1 hesabı ilə darmadağın etdikləri oyun haqda danışan təcrübəli futbolçu rəqibə şans tanımadıqlarını bildirib: “Rəqibin oyunu haqda nə deyə bilərəm ki? Biz onlara nəsə etməyə imkan vernədik. Penalti istisna olmaqla... İndi çox şadam. Amma yoldaşlarıma da dedim ki, heç bir halda arxayınlaşa bilmərik. Əgər, biz yalnız bu qələbə haqda düşünəcəyiksə, indidən təyyarəyə əyləşib, Braziliyanı tərk edək”.