3 Aprel 2025, Cümə axşamı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi

Ölkə futbolu

Rəhman Hacıyev: “Azarkeşlərin narazılığını anlayışla qarşılayıram, amma..."

“Erkən qol buraxsaq da, ruhdan düşmədik. Əvvəldən bizi ağır oyun gözlədiyini bilirdik. İşimizi çətinləşdirən bir məqam da ot örtüyünün süni olmasıdır. Çünki təbii otdan süniyə keçmək çox çətindir”.

Futbolxeber.az saytına müsahibəsində bu sözləri “Neftçi”nin yarımmüdafiəçisi Rəhman Hacıyev Azərbaycan Premyer Liqasının X turunda “Səbail”i 4:2 hesabı ilə məğlub etdikləri oyun barədə danışarkən deyib.

O, səfərə qələbə üçün yollandıqlarını bildirib: “Qələbə üçün gəlmişdik. Bizim üçün bu 3 xal çox vacib idi. Şükürlər olsun ki, istəyimizə çatdıq. Bu gün qələbənin sevincini yaşayırıq. Amma sabahdan artıq növbəti oyuna hazırlaşacağıq”.

Yarımmüdafiəçi çempionatdakı fasilənin “Neftçi”nin xeyrinə olduğunu vurğulayıb: “Bizim üçün nə qədər boş vaxt olsa, bir o qədər yaxşıdır. Çünki indiki məqamda “Neftçi”yə vaxt lazımdır. Məşqçinin istədiklərini həyata keçirmək üçün zamana ehtiyac duyuruq. Mən baş məşqçimizə də, komandamıza da inanıram. Zaman keçdikcə “Neftçi” daha yaxşı vəziyyətdə olacaq”.

R.Hacıyev “Neftçi”yə yeni cəlb olunan futbolçuların keyfiyyətini qabardıb: “Heyətimizə yeni futbolçular qoşulub. Onlar bacarıqlıdırlar. Sadəcə bir qədər zamana ehtiyac var ki, komandaya uyğunlaşsınlar, açılışsınlar. İnanıram ki, zamanla hər şey daha yaxşı olacaq. Legionerlər də potensiallarını göstərəcəklər”.

“Neftçi”nin üzvü komandanın son zamanlar azarkeşlər tərəfindən çox tənqid olunmasına belə münasibət bildirib: “Azarkeşlərin narazılığını anlayışla qarşılayıram. Amma inanıram ki, “Səbail” üzərindəki qələbənin ardı gələcək. Azarkeşlər bizə yenə də dəstək olsunlar. “Səbail”lə matçda onların dəstəyini hiss etdik. Bu, bizim üçün çox önəmlidir. Biz də fanatları sevindirmək üçün əlimizdən gələni edəcəyik”.

Fərəc ASLANOV








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30