“Yarımfinalda səhvlərimizin olması fikrini qəbul qəbul etmirəm”

“Turan Tovuz”un baş məşqçisi Ayxan Abbasov "Neftçi" ilə kubokun cavab matçında səhvinin olması fikri ilə bağlı səslənən fikirlərlə razılaşmır.

Futbolxeber.az saytının məlumatına görə, o, Azərbaycan Premyer Liqasının 33-cü turunda “Neftçi”ni 4:0 hesabı ilə məğlub etdikləri oyundan sonra təşkil olunan mətbuat konfransında bununla bağlı sualı belə cavablandırıb:

“Yarımfinalda səhvlərimizin olması fikrini qəbul qəbul etmirəm. O oyunda nə lazım idi demişdik. Sadəcə futbolçularımız son 15 dəqiqə stress yaşadı. Çox deyirlər ki, komanda müdafiəyə çox çəkilmişdi. Amma buna bizi rəqib məcbur etmişdi. Etdiyimiz dəyişikliklərə baxın. Hücumameyilli futbolçu buraxdıq oyuna. Matçdan sonra müzakirələr normaldır. Oyunu analiz etmişəm. Komandamızın bir az soyuqqanlı olmaması bizə maneçilik törətdi. Rəqibin real epizodu yox idi. İki oyunu da yaxşı oynamışdıq”.