“Qəbələ” - “Kəpəz”: 22-ci duel

“Qəbələ” bu gün Premyer Liqanın XI turunda “Kəpəz”lə üz-üzə gələcək.

Futbolxeber.az saytının məlumatına görə, bu, iki komanda arasında 22-ci duel olacaq.

Rəqiblər indiyədək 21 dəfə qarşılaşıb. Bu oyunların hamısı Premyer Liqa çərçivəsində keçirilib.

Hesabında 10 qələbə olan “Qəbələ” 5 heç-heçə edib və 6 dəfə uduzub. “Qırmızı-qaralar” top fərqində də öndədir – 28-16. “Kəpəz”lə görüşlərdə Baqali Dabo və Filip Ozobiç daha çox - hərəyə 3 qol vurub.

11-ci dəfə “Kəpəz”i qəbul edəcək “Qəbələ” evdə 6 dəfə qalib gəlibsə, 2 dəfə bərabərliklə kifayətlənib və 2 dəfə meydanı xalsız tərk edib. Öz meydanında 14 qol vuran “Qəbələ” qapısından 6 top buraxıb

“Qırmızı-qaralar” son 4 qarşılaşmada qələbə əldə edib. Ardıcıl üç oyunda qol buraxmayan komandam son iki qələbəsi böyük hesabla olub.

Qeyd edək ki, bu gün Qəbələ şəhər stadionunda baş tutacaq “Qəbələ” - “Kəpəz” matçı saat 16:00-da başlayacaq.