Ten Haq: “Hesab 3:0, yaxud 4:0 olmalı idi”

“Mançester Yunayted”in baş məşqçisi Erik ten Haq İngiltərə Premyer Liqasının 31-ci turunda “Nottingem Forest” üzərində qazanılan 2:0 hesablı qələbəni şərh edib.

Futbolxeber.az saytının məlumatına görə, niderlandlı mütəxəssis komandasının daha böyük hesablı qələbə qazanmalı olduğunu bildirib:

“Bizim tərəfimizdən yaxşı oyun oldu. Layiqli qələbə qazandıq. Komanda 3 xal qazanmaq üçün lazım olanları etdi. Mən yalnız bir məqama görə futbolçularımı tənqid edə bilərəm. Bu da hesab arasındakı fərqin daha böyük olmamasıdı. Çünki biz 3:0, yaxud 4:0 hesabı ilə qalib gəlməliydik. Xeyli qol şansını boşa verdik. Belə olmaz. Yaxaladığın şansları qola çevirməlisən ki, rəqibin müqavimətini daha tez qıra biləsən”.

Qeyd edək ki, ardıcıl üçüncü qələbəsini qazanan “Mançester Yunayted” 59 xalla turnir cədvəlində üçüncü pillədə qərarlaşıb.