“Herta” Şvartsı istefaya göndərdi

Almaniyanın “Herta” klubunda baş məşqçi dəyişikliyi olub.

Futbolxeber.az saytının məlumatına görə, Sandro Şvarts rəsmən baş məşqçi vəzifəsindən ayrılıb. Artıq onun əvəzləyicisinin də adı məlumdu. Bu, Pal Dardaidi. O, daha əvvəl 2 dəfə müxtəlif vaxtlarda “Herta”nı çalışdırıb. Təcrübəli mütəxəssislə mövsümün sonuna kimi müqavilə imzalanıb.

Xatırladaq ki, Şvarts “Herta”nı ötən yaydan çalışdırır. 44 yaşlı mütəxəssisin rəhbərliyi altında komanda keçirdiyi 29 oyundan 5-də qələbə qazanıb, 7 dəfə heç-heçə edib və 17 dəfə uduzub.