Zəlzələdən zərər çəkənlərə görə Ronaldonun formasını auksiona çıxardı

Türkiyə millisinin üzvü Merih Demiral vətənində zəlzələdən zərər çəkmiş şəxslərə yardım etmək üçün sabiq komanda yoldaşı Kriştianu Ronaldonun formasını auksiona çıxarıb.

Futbolxeber.az saytının məlumatına görə, türkiyəli futbolçu tviterdəki paylaşımında bu haqda portuqaliyalı ulduzu da məlumatlandırdığını bildirib:

“Az əvvəl Kriştianu ilə danışdım. O da Türkiyədə baş verənlərə görə məyus olduğunu bildirdi. Biz Ronaldonun avtoqraflı formasını auksiona çıxarırıq. Hərracdan əldə olunacaq gəlirin hamısı zəlzələ qurbanlarına və yaralılara sərf olunacaq”.

Qeyd edək ki, hazırda “Atalanta”da çıxış edən Metih Demiral daha əvvəl Ronaldo ilə birgə “Yuventus”da forma geyib.

Əlavə edək ki, fevralın 6-da Türkiyədə 7,7 baş gücündə baş vermiş zəlzələ nəticəsində 5 mindən çox insan həyatını itirib, 20 min nəfərdən çox adam yaralanıb.