“Barselona” David Luizin transferindən vaz keçdi

“Barselona” “Çelsi”nin müdafiəçisi David Luizi transfer etməyəcək.

Futbolxeber.az-ın İspaniya mətbuatına istinadən verdiyi məlumata görə, Kataloniya klubu braziliyalı futbolçunu Xavyer Maskeranonun əvəzinə transfer istəsə də, fikrindən daşınıb.

Buna futbolçunun əmək haqqının yüksək olması səbəb olub. Kataloniya klubunun rəhbərliyi hesab edir ki, David Luiz Çempionlar Liqasının həlledici mərhələsində komandaya kömək edəcək səviyyədə deyil.

Qeyd edək ki, David Luiz Antonio Konte ilə mübahisə etdiyindən son zamanlar heyətdən kənarda qalıb. O, son olaraq “Qarabağ”la oyunda meydana çıxıb.