Konfrans Liqası: “Zirə” və “Neftçi”ni 3-cü mərhələdə gözləyən mümkün rəqiblər

UEFA Konfrans Liqasının 2-ci təsnifat mərhələsində Azərbaycanı “Zirə” və “Neftçi” təmsil edəcək.

Futbolxeber.az saytının məlumatına görə, Rəşad Sadıqovun komandası 1-ci mərhələdə Kutaisi “Torpedo”sunu hər iki oyunda 3:0 hesabı ilə məğlub edərək növbəti raunda yüksəlib. “Zirə” bu mərhələdə Estoniyanın “Payde” klubu ilə qarşılaşacaq. İlk mərhələdən azad olan “Neftçi”nin rəqibi isə Belarusun Minsk “Dinamo”su olacaq.

UEFA təqvimində dəyişiklik edilməsə, oyunlar iyulun 23-də və 30-da keçiriləcək. Artıq iyulun 20-də Konfrans Liqasının 3-cü təsnifat mərhələsinin püşkü atılacaq. haqqin.az yazır ki, “Payde” - “Zirə” və “Neftçi” - “Dinamo” cütləri püşkatmada “səpələnməmişlər” sırasında yer alacaq.

Bu cütlərin qalibləri 3-cü mərhələdə aşağıdakı 20 cütün qalibi ilə qarşılaşa bilərlər:

“Braqa” (Portuqaliya) - “Jelezniçar” (Serbiya);

“Ayaks” (Niderland) - “Voyvodina” (Serbiya);

“Kopenhagen” (Danimarka) - “Polesye” (Ukrayna);

“Gent” (Belçika) - LNZ (Ukrayna);

“Rapid” (Avstriya) - “Santa-Koloma” (Andorra);

“Panatinaikos” (Yunanıstan) - “Pakş” (Macarıstan);

“Ludoqorets” (Bolqarıstan) - “Hapoel” (Təl-Əviv, İsrail);

FCSB (Rumıniya) - “Auda” (Latviya);

“Rakuv” (Polşa) - “Valletta” (Malta);

“Partizan” (Serbiya) - UNA Ştrassen (Lüksemburq);

“Luqano” (İsveçrə) - “Dukaqini” (Kosovo);

AEK (Kipr) - “Beytar” (İsrail);

“Başakşəhər” (Türkiyə) - “İnter” (Finlandiya);

“Riyeka” (Xorvatiya) - “Derri Siti” (İrlandiya);

HİK (Finlandiya) - “Kolreyn” (Şimali İrlandiya);

“Zrinski” (Bosniya və Herseqovina) - “Valür” (İslandiya);

RFS (Latviya) - “Vestri” (İslandiya);

“Brann” (Norveç) - “Universitatya Kluj” (Rumıniya);

“Jalgiris” (Litva) - “Dinamo”(Tbilisi, Gürcüstan);

“Şkendiya” (Şimali Makedoniya) - “Bravo” (Sloveniya).

Bundan başqa, “Zirə” və “Neftçi” Avropa Liqasının 2-ci təsnifat mərhələsində keçiriləcək aşağıdakı cütlərin məğlubları ilə də üz-üzə gələ bilər:

“Makkabi” (Təl-Əviv, İsrail) - “Şerif” (Moldova);

PAOK (Yunanıstan) - Kiyev “Dinamo”su (Ukrayna);

“Midtyulland” (Danimarka) - “Beşiktaş” (Türkiyə);

“Ferentsvaroş” (Macarıstan) - “Tvente” (Niderland).

Ənənəyə uyğun olaraq, püşk günü UEFA komandaları qruplara böləcək və hər klubun mümkün rəqiblərinin sayı azalacaq.