Bakı klubu bu gün baş məşqçisi ilə vidalaşa bilər - ÖZƏL

I Liqada mübarizə aparan “Şəfa”da bu gün gözlənilməz ayrılıq yaşana bilər.

Futbolxeber.az saytının əldə etdiyi məlumata görə, paytaxt təmsilçisi baş məşqçisi Elgiz Kərəmli ilə vidalaşmağa yaxındır. Komanda hazırda lider olsa da, ötən tur “Baku Sportinq”lə matçda itirilən 2 vacib xal baş məşqçinin kreslosunu ciddi şəkildə laxladıb.

Rəhbərlik Kərəmliyə bu gün son şansı verib. Əgər “Şəfa” I Liqanın 14-cü turunda “Səbail”ə qarşı keçirəcəyi görüşdə xal itirsə, o zaman Elgiz Kərəmli istefaya göndəriləcək.

Qeyd edək ki, “Şəfa” hazırda 31 xalla liderdir. “Baku Sportinq” 26 xalla ikinci, “Səbail” isə 25 xalla üçüncüdür.

Əlavə edək ki, ötən il də güclü heyətə malik olmasına baxmayaraq, “Şəfa” ikinci liqada qalib ola bilməmişdi, komanda gümüş medalla kifayətlənmişdi.