Andrey Demçenko: “Azərbaycanda futbol sürətlə inkişaf edir”

“Araz-Naxçıvan”ın yeni baş məşqçisi Andrey Demçenko Ukrayna mətbuatına müsahibə verib.

Futbolxeber.az saytının məlumatına görə, sport.ua-ya danışan 49 yaşlı mütəxəssis əvvəlcə sabiq klubu “Jenis”i (Qazaxıstan) tərk etməsinin səbəblərindən danışıb.

“Bizim aramızda şifahi razılaşma var idi ki, komandanı aşağı liqaya düşmə zonasından çıxaraq. Müqavilə mövsümün sonuna qədər imzalanmışdı. Mövsüm başa çatdıqdan sonra klub istəsəydi anlaşmanı uzada, istəməsəydi xidmətlərimdən imtina edə bilərdi – bu, onların hüququ idi. Rəhbərlik isə başqa variantı seçdi”, - deyə mütəxəssis bildirib.

O, “Araz-Naxçıvan”a təyinatını karyerasında yeni mərhələ adlandırıb:

“Azərbaycanda futbol sürətlə inkişaf edir. “Qarabağ” Çempionlar Liqasının qrup mərhələsinin iştirakçısıdır, həmçinin “Sabah’”, “Sumqayıt, “Zirə”, “Neftçi” kimi güclü komandalar var. Burada işləmək üçün yaxşı perspektiv gördüm. Mənim üçün çox maraqlıdır”.

Xatırladaq kj, Demçenko bu il yanvarın 4-də “Araz Naxçıvan”ın baş məşqçisi təyin olunub.