Boatenq: "Neftçi"də oynamağı çox arzulayırdım"

Rumıniyanın “Dinamo” (Buxarest) klubunun müdafiəçisi Kennedi Boatenq “Neftçi”yə transferinin baş tutmamasından danışıb.

Futbolxeber.az saytının məlumatına görə, toqolu mərkəz müdafiəçisi Bakı klubuna keçməyə maraqlı olduğunu gizlətməyib.

Boatenq Rumıniyanın "Golazo" nəşrinə verdiyi açıqlamada maliyyə məsələsinə toxunub. O bildirib ki, başqa kluba keçmək istəyi məhz bu amillə bağlı olub:

"Maliyyə səbəblərinə görə klub dəyişmək istəyirdim. "Neftçi"yə getməyi çox arzulayırdım və bunun mənim üçün faydalı olacağını düşünürdüm. Lakin transfer baş tutmadı. Müqavilə ilə "Dinamo"ya məxsus idim və klub məni buraxmaq istəmədi. Bu vəziyyətdə qərar "Dinamo"nun əlində idi. Onlar qalmağımı istədilər, mən də komandada qaldım".

Xatırladaq ki, "Neftçi" ötən yay transfer pəncərəsində 28 yaşlı müdafiəçinin kluba keçidinə maraq göstərib.