“Neftçi”nin yeni transferi: “Kumirim həmişə Ronaldo olub”

“Kumirim həmişə Kriştiano Ronaldo olub. Onun “Real”dakı oyunlarına baxırdım”.

Futbolxeber.az saytının məlumatına görə, bu sözləri “Neftçi”nin yeni transferi Luis Ortis deyib.

Klubun mətbuat xidmətinə müsahibə verən paraqvaylı futbolçu ləqəbinin Luço olduğunu bildirib: “Sadəcə Luço”.

25 yaşlı vinger “Futbolçu kimi 3 əsas xüsusiyyətin hansılardır?” sualını belə cavablandırıb: “Düşünürəm ki, top qəbulu, zərbə və sürətdir”.

O, ən sevdiyi yemək və hobbisindən də söz açıb: “Ən sevdiyin yemək milanezadır. Kartof pürəsi ilə. Futboldan savayı idman yarışlarını və basketbolu sevirəm”.

Sonda L.Ortis “Neftçi”dəki hədəflərindən danışıb: “Neftçi”də məqsədim irəliyə getmək, bu mövsüm komandanın hədəflərinə çatması üçün faydalı oyunçu olmaqdır”.