Ronaldo rəsmən "Sumqayıt"da

"Sumqayıt" növbəti qış transferini açıqlayıb.

Futbolxeber.az saytının məlumatına görə, "kimyaçılar" Ronaldo Vaskes Juniorla heyətini gücləndirib.

25 yaşlı hücumçunun son klubu Boliviyanın "Quabira"sı olub. Dominikanalı oyunçu ilə 1,5 illik müqavilə imzalanıb.

Vaskes karyerası ərzində 110 oyuna çıxaraq 20 qol vurub və 7 qolun ötürməsini edib. O, Sumqayıt təmsilçisində 23 nömrəli formanı geyinəcək.

Qeyd edək ki, Ronaldo Junior karyerası boyunca yetirməsi olduğu "Atletiko Pantoxa" (Dominikan Respublikası) ilə yanaşı, "Hapoel" (Tel-Əviv, İsrail) və "Quabira" (Boliviya) klublarında da çıxış edib. O, 41 dəfə formasını geyindiyi vətəni Dominikan Respublikasının milli komandasında 6 qol vurmağa da müvəffəq olub.

Xatırladaq ki, Ronaldo Vaskesin "Sumqayıt"a keçidi barədə ilk dəfə Futbolxeber.az saytı yazıb (https://futbolxeber.az/news/country/84026).