Ponomaryov Berezutskinin təyinatı barədə: “Bunun xeyri yoxdur, boş vaxt itkisi...”

Moskva ÇSKA-sının və SSRİ millisinin sabiq üzvü Vladimir Ponomaryov Vasili Berezutskinin “Sabah”ın baş məşqçisi təyin olunmasına münasibət bildirib.

Futbolxeber.az saytının məlumatına görə, “ВсеПроСпорт”a danışan veteran futbolçu qeyd edib ki, Berezutski çoxdan baş məşqçi kimi fəaliyyətə başlamalı idi:

“Tək başına işləməyin çoxdan vaxtı idi. Ümumiyyətlə, ilk mərhələdə hansı komandada çalışmağın fərqi yoxdur. Halbuki o, “Krasnodar”da Qonçarenkonun, Çində Slutkisinin yanında işləyirdi. Bunun xeyri yoxdur, boş vaxt itkisi idi”.

Xatırladaq ki, Vasili Berezutski dünən “Sabah”la 2,5 illik müqavilə imzalayıb.