Kaxaber Sxadadze: “Bu gün 6 qol vura bilərdik”

“Uşaqlara təşəkkür edirəm. Yaxşı mübarizə apardılar. Son matçlarda yaxşı oyun nümayiş etdiririk. Təəssüf ki, aşağı liqaya düşürük”.

Futbolxeber.az saytının məlumatına görə, bu sözləri “Qəbələ”nin baş məşqçisi Elmar Baxşıyev Azərbaycan Premyer Liqasının 35-ci turunda “Araz-Naxçıvan”ı 2:0 hesabı ilə məğlub etdikləri oyundan sonra deyib.

Gürcü mütəxəssis qeyd edib ki, bu gün komandası daha çox qol vura bilərdi: “Fubolçular öz peşakarlıqlarını göstərib oyunlara yaxşı köklənirlər. Daha çox qol vura bilərdik. Çoxlu qol epizodlarımız oldu. Premyer Liqada qalsaydıq, gələn mövsüm yaxşı yerlər uğrunda mübarizə apara bilərdik. Nə edək? Həyat mübarizədir”.

O, futbolçularının keyfiyyətinin aşağı olduğunu söyləmədiyini bildirib: “Fərdi səhvlərin çox olduğunu bildirmişəm. Bu gün müdafiədə səhvlərə yol vermədik deyə qol buraxmadıq. Amma diqqətli olsaydıq, 6 qol vura bilərdik. Bunun üzərində çox çalışmalıyıq. Əksər matçlarda yaxşı oynamışıq. Ya bəxtimiz gətirməyib, ya da ustalıq çatmayıb. "Neftçi" ilə oyunda biz 5 zərbə vurduq, amma fərqlənə bilmədik. Onlar isə 1 zərbədən qol vurdular”.

“Düşünmürsüz ki, "Qəbələ"nin Premyer Liqanı tərk edəcəyi dəqiqləşəndən sonra futbolçular özlərini başqa klublara göstərirlər?” sualını K.Sxadadze belə cavablandırıb: “Hər şey haqda danışa bilərik. Amma fakt birdir, komanda Premyer Liqanı tərk edib. Hər futbolçu özünü də fikirləşməlidir. Buna normal baxıram. Amma bunun pis tərəfi də var ki, oyunçu gərginlik zamanı yaxşı performans göstərə bilmir. Gərginlik azalandan sonra isə daha yaxşı çıxış edir. Futbolda hər zaman gərginlik olur. Bunun öhdəsindən gəlməlisən”.