“Neftçi” Ruslan Abışov üçün vida oyunu keçirəcək? - Fərrux Mahmudovdan özəl açıqlama

“Neftçi” sabiq müdafiəçisi, bu günlərdə peşəkar futbolçu karyerasını başa vuran Ruslan Abışov üçün vida tədbiri keçirəcək.

Futbolxeber.az saytına açıqlamasında bu barədə “ağ-qaralar”ın baş icraçı direktoru Fərrux Mahmudov məlumat verib.

Klub rəsmisi hələlik formatı müəyyənləşdirmədiklərini bildirib:

“Ruslan Abışov üçün vida tədbiri təşkil etmək fikrimiz var. Kommunikasiya şöbəsi hazırda bu barədə fikirləşir. Lakin vida tədbirinin hansı formatda olacağı hələlik dəqiqləşməyib. Bu məsələ müzakirə olunur”.

Fərəc ASLANOV