“Mançester Siti” “Barselona” önünə ciddi itkilərlə çıxacaq

Bu gün Çempionlar Liqasının 1/8 final mərhələsinin cavab oyunu çərçivəsində “Barselona”nın qonağı olacaq “Mançester Siti” mühüm oyuna ciddi itkilərlə çıxacaq. Futbolxeber.az-ın məlumatına görə, Stevan Yovetiç və Matiya Nastasiç Kataloniya klubuna qarşı oynamayacaq. Hər iki futbolçu Barselonaya yollanmayıb. Yovetiç hələ də zədəsini bərpa etməyib. Nastasiçin isə dizində problem var.

Adıçəkilən 2 futbolçudan başqa, cəzalı olan Martin Demişelis də “Barsa”ya qarşı oynamayacaq. Bu səbəbdən də “Mançester Siti”də müdafiənin mərkəzində Vensan Kompani və Coleon Leskottun çıxış edəcəyi ehtimal edilir.