Kurtua: “Çelsi”nin məni satacağına inanmıram”

Müqavilə ilə “Çelsi”yə məxsus olan “Atletiko”nun qapıçısı Tibo Kurtua “Real”a keçəcəyi haqda yayılan xəbərlərə münasibət bildirib. Futbolxeber.az-ın məlumatına görə, Kurtua  “Real”a keçəcəyinə inanmır: “Çelsi”nin məni satacağına inanmıram. London klubu ilə müqaviləm hələ ən azı 2 il davam edəcək. “Real”a keçəcəyim haqda yayılan xəbərlər mətbuatın uydurmasıdır. Amma mən bu cür xəbərlərə fikir vermirəm. Diqqətimi yalnız öz çıxışıma yönəltmişəm”.

“Çempionlar Liqasında “Çelsi” ilə qarşılaşası olsanız, meydana çıxa biləcəksənmi” sualını gənc qolkiper belə cavablandırıb: “Müqaviləmdə belə bir bənd yoxdur. Bu səbəbdən də hər hansı problem olacağına inanmıram. “Çelsi” ilə üz-üzə gəlsək, əla olardı”.