“Çelsi”nin 109 yaşı tamam oldu

İngiltərə və dünya futbolunun aparıcı klublarındna olan “Çelsi”nin dünən 109 yaşı tamam oldu. Futbolxeber.az-ın məlumatına görə, London klubunun əsası 1905-ci ilin 10 martında qoyulub. “Zadəganlar”ın ilk prezidenti Klod Kirbi olub. O, 1935-ci ilə kimi London təmsilçisinə rəhbərlik edib. Komanda ev oyunlarını 41837 tamaşaçı tutumuna malik olan “Stemford Bric”də keçirir. Klubun sahibi Roman Abramoviç, prezidenti Bryüs Bakdır.

“Çelsi” 4 dəfə Premyer Liqanın, 2 dəfə ikinci divizionun çempionu olub. Bundan başqa londonlular 4 dəfə Federasiya, 7 dəfə Liqa kubokunu qazanıb. 4 dəfə İngiltərə Superkubokuna sahib çıxan “Çelsi”, 1 dəfə Çempionlar Liqasını, 1 dəfə Avroliqanı, 1 dəfə Kuboklar kubokunu, 1 dəfə də Avropa UEFA Superkubokunu qazanıb.