Əziz Yıldırımdan “Trabzonspor” səfəri üçün xüsusi mükafat

Türkiyə Superliqasının 24-cü turunun son matçında lider “Fənərbaxça” bu gün səfərdə “Trabzonspor”un qonağı olacaq. Futbolxeber.az-ın məlumatına görə, çempionluq uğrunda mübarizə aparan “Fənərbaxça” üçün bu oyun çox mühüm əhəmiyyət kəsb edir. Bu səbəbdən də klub prezidenti Əziz Yıldırım həftə boyu komandanın yanında olub və futbolçuların hər xırda problemini dərhal yerindəcə həll edib. Səfərə yollanmamışdan öncəsi isə Yıldırım komanda üzvləri ilə keçirdiyi görüşdə deyib: “Yolunuz açıq olsun. Sizə güvənirəm. Qazanın, gəlin və bütün camianı sevindirin”.

Çıxışının sonunda Əziz Yıldırım çətin səfər matçı üçün futbolçulara xüsusi mükafat vəd edib. Amma mükafatın məbləği açıqlanmır.