Ervin Koffi qələbəni əldən verməkləri barədə: “Problem qolları erkən vurmağımızdır”

“Neftçi”nin müdafiəçisi Ervin Koffinin Futbolxeber.az saytına müsahibəsi

- “Şamaxı” ilə oyun (2:2) barədə nə deyə bilərsiniz?

- Oyuna çox yaxşı başladıq. Qalib gəlməli idik. Ardıcıl iki qoldan sonra dayandıq. Düşündük ki, artıq qələbə qazanmışıq. Lakin bu, düzgün deyil. Sona qədər mübarizə aparmaq lazımdır.

- Nə baş verdi ki, 4-cü dəqiqədə 2:0 hesabı ilə öndə olan “Neftçi” qələbəni əldən verdi? Problem nədə idi?

- Problem qolları çox erkən vurmağımızdır. Bəlkə də buna görə xal itirdik. Ola bilər ki, 2:0-dan sonra oyunun asan keçəcəyini düşündük. Halbuki heç bir matç asan keçmir.  

- Milli komandanın oyunlarına görə çempionatda fasilə yaranır. Bu, “Neftçi”nin xeyrinə olacaq?

- İndiki məqamda çempionatda fasilə yaranması yaxşıdır. Çünki dayanmadan işləməliyik. Yeni baş məşqçimizin rəhbərliyi altında daha çox çalışmağımıza ehtiyac var.

- Yeri gəlmişkən, Samir Abasovun gəlişi “Neftçi”də nəyi dəyişib?

- Samir Abasov yaxşı məşqçidir. Addım-addım irəli gedirik. 3 turdur oyunumuzda müsbətə doğru dəyişiklik var.

- Baş məşqçinin əsas tələbləri nələrdir?

- Bizdən hücum futbolu oynamağı, özümüzdə top saxlamağı, irəliyə daha çox ötürmə verməyi istəyir. Məşqlərdə də bu istiqamətdə çalışırıq.

- Fasilədən sonra 2 çətin oyuna çıxacaqsınız. Əvvəlcə “Zirə”ni, sonra isə “Qarabağ”ı qəbul edəcəksiniz. Həmin matçlardan gözləntiləriniz nədir?

- İndiki məqamda hər növbəti oyunu düşünürük. “Zirə” yaxşı komandadır. Odur ki, çətin olacaq. Lakin əlimizdən gələni edəcəyik ki, uğur qazanaq.

Fərəc Aslanov