AFFA 6 klubu cərimələdi

AFFA İntizam Komitəsinin iclası keçirilib.

Futbolxeber.az saytının məlumatına görə, 04.11.2022-ci il tarixində Azərbaycan Premyer Liqası XIII turunun “Turan Tovuz” - “Şamaxı” oyununda təcili tibbi yardım maşını oyunun başlama vaxtına gecikdiyinə görə “Turan Tovuz” klubu 1600 manat cərimə edilib.

Oyunda hər iki komandanın texniki zonasında oturan şəxslər A buraxılış vəsiqələrini taxmadıqlarına görə ayrı-ayrılıqda klublar 800 manat cərimə edilib.

05.11.22-ci il tarixdə Azərbaycan Premyer Liqasının XIII turunun  “Qəbələ” - “Zirə” oyununda “Qəbələ” klubunun 4 oyunçusu sarı vərəqə ilə cəzalandığına görə klub 800 manat cərimə edilib.

05.11.22-ci il tarixdə Azərbaycan Premyer Liqasının XIII turunun “Sumqayıt” - “Neftçi” oyununda “Neftçi” klubu stadiona gecikdiyi üçün klub 800 manat cərimə edilib.

Stadionda suyun təzyiqinin olmamasına və futbolçuların sudan normal istifadə edə bilmədiklərinə görə “Sumqayıt” klubu 800 manat cərimə edilib.

06.11.22-ci il tarixdə Azərbaycan Premyer Liqasının XIII turunun “Səbail” - “Sabah”  oyununda “Səbail” klubu tərəfindən PFL-in futbol himninin səsləndirilməməsinə görə klub 800 manat cərimə edilib.