“Qarabağ” “Şaxtyor”a rəqib oldu

Bu mövsüm ölkəmizi Çempionlar Liqasında təmsil edəcək “Qarabağ” klubu artıq təlim-məşq toplanışına start verib. Futbolxeber.az-ın klubun rəsmi saytına istinadən verdiyi məlumata görə, Qurban Qurbanovun yetirmələri hazırlıqların ilkin mərhələsini Bakıda keçirəcək. İyunun 21-dək paytaxtda hazırlaşacaq Qurban Qurbanovun komandası toplanışın ikinci mərhələsini Avstriyada keçirəcək. “Qarabağ” iyunun 22-si səhər saatlarında adıçəkilən ölkəyə yollanacaq və hazırlıqları orada davam etdirəcək.

Toplanış çərçivəsində “Qarabağ”ın keçirəcəyi bir neçə yoldaşlıq oyunları təsdiqlənib. Belə ki, Ağdam təmsilçisi iyun ayının 23-ü Ukrayna çempionu “Şaxtyor”la, 28-i isə Rusiyanı Avropa Liqasında təmsil edəcək “Krosnodar” klubu ilə qarşılaşacaq.