“Xəzər Lənkəran”: “Rəşad Sadiqovla razılıq əldə etmişik”

“Rəşad Sadiqovla razılıq əldə olunub. Bütün şərtlərdə ortaq məxrəcə gəlmişik. Amma onun “Neftçi” ilə müqaviləsi olduğundan keçid hələ rəsmiləşməyib”. Futbolxeber.az saytına verdiyi açıqlamada bu sözləri “Xəzər Lənkəran”ın mətbuat xidmətinin rəhbəri Hüseyn Cəbrayıloğlu deyib.

“Neftçi” ilə müqavilə məsələsini “Xəzər Lənkəran” həll edəcək, yoxsa futbolçunun özü” sualını klub rəsmisi belə cavablandırıb: “Bu suala cavab verməyim düzgün çıxmaz. Yalnız onu deyə bilərəm ki, Rəşadın “Neftçi” ilə müqaviləsinə xitam verildikdən sonra o, rəsmən “Xəzər-Lənkəran”ın futbolçusu olacaq. Mətbuatda yazılan müxtəlif rəqəmləri, onun hətta “Xəzər Lənkəran”da məşqə çıxması barədə məlumatları mən də oxuyuram. Amma bunlar həqiqəti əks etdirmir. Hələ ki biz yalnız futbolçunun özü ilə razılıq əldə etmişik”.