“Azərbaycana qarşı sərgilənən oyunun keyfiyyətindən məyusam”

“Nəticə ədalətlidir. Bununla belə, bizim fərqlənmək üçün daha çox şansımız var idi”. Futbolxeber.az-ın “moldfootball.com”a istinadən verdiyi məlumata görə, bu sözləri yığmamızla oyundan sonra Moldovanın U-21 millisinin baş məşqçisi Aleksandr Kurteyan deyib.

O, komandasının oyun keyfiyyətindən narazı qalıb: “Təəssüf ki, şanslardan yararlana bilmədik. Oyunun keyfiyyətinə gəldikdə, bir qədər məyusam. Bununla belə, iyundakı seçmə mərhələ oyunları ilə bağlı optimistəm”.

Kurteyan futbolçularımızın texnikasından da söz açıb: “Futbolçularım rəqibdən topu çox yaxşı alırdılar. Halbuki Azərbaycan yığmasının üzvləri yüksək texnika ilə seçilirlər”.