Lippert: “Heç-heçəyə görə çox şadam”

“Biz daha əvvəl Moldova millisi ilə qarşılaşmışdıq. Həmin oyunla müqayisədə yığmamızın heyətində ciddi dəyişikliklər baş verib. Həmin heyətdən cəmi 3 futbolçu qalıb. Hazırda beş futbolçumuz əsas milliyə cəlb edilib”. Futbolxeber.az-ın “moldfootball.com”a istinadən verdiyi məlumata görə, bu sözləri Moldova ilə oyundan sonra 21 yaşadək futbolçulardan ibarət yığmamızın baş məşqçisi Bernhard Lippert deyib.

Alman məşqçi heç-heçəyə görə sevincini gizlətməyib: “Qapıçının səhvindən qol buraxdıq. Məncə, bu stadionun düzgün işıqlandırılmamasından irəli gəlirdi. Moldova yaxşı komandadır. Amma ikinci hissədə biz sürətli oynadıq. Çox şadam ki, bu görüşdə heç-heçə edə bildik. Bu qarşılaşma Norveçlə oyuna hazırlıq baxımından böyük əhəmiyyət daşıyırdı”.