Mahirin qolu xal qazanmaq üçün kifayət etmədi

Azərbaycan millisinin hücumçusu Mahir Emrelinin çıxış etdiyi “Rakuv” Polşa çempionatında növbəti məğlubiyyətini alıb.

Futbolxeber.az saytının məlumatına görə, Çenstoxova təmsilçisi 6-cı turda doğma meydanda "Yagelloniya" ilə qarşılaşıb. Matç qonaqların 5:2 hesablı qələbəsi ilə başa çatıb.

Mahir Emreli matça start heyətində başlayıb və 1 qol vurub. Bu, onun cari mövsümdə bütün turnirlərdə 10 oyuna 5-ci qolu olub.

Qeyd edək ki, "Rakuv” keçirdiyi oyunların hamısında məğlub olub. Xalı olmayan komanda turnir cədvəlində sonuncu - 18-ci pillədə qərarlaşıb.