Renatın komandası qələbəni sonda əldən verdi

Polşa Ekstraklasasında 28-ci turun oyunları keçirilir.

Futbolxeber.az saytının məlumatına görə, Azərbaycan millisinin üzvü Renat Dadaşovun çıxış etdiyi "Motor" doğma meydanda "Rakov"u qəbul edib.

Qarşılaşmada qalib müəyyənləşməyib. Matçın 67-ci dəqiqəsində Mbaye Ndiayenin qolu ilə hesabda önə keçən meydan sahibləri qələbəni qoruya bilməyiblər. Qonaqlar əsas vaxta əlavə olunmuş dəqiqələrdə penalti şansı qazanaraq məğlubiyyətdən xilas olublar - 1:1.

Renat Dadaşov matçın 79-cu dəqiqəsində meydana daxil olub.

Qeyd edək ki, bu nəticədən sonra “Motor” 39 xalla turnir cədvəlində 8-ci pillədə yer alır. "Rakov" isə 40 xalla 6-cı pillədə qərarlaşıb.