Mahirin komandasından səfər qələbəsi

Azərbaycan millisinin üzvü Mahir Emrelinin də formasını geyindiyi "Kayzerslautern" Almaniya 2-ci Bundesliqasında 29-cu tur oyununa çıxıb.

Futbolxeber.az saytının məlumatına görə, komanda "Herta"nın qonağı olub. Berlindəki Olimpiya stadionunda keçirilən matç qonaqların minimal qələbəsi ilə yekunlaşıb - 0:1.

Mahir Emreli matçı ehtiyat oyunçular skamyasından izləyib.

Qeyd edək ki, hazırda turnir cədvəlində "Herta" 47 xalla 6-cı, "Kayzerslautern" isə 46 xalla 7-cidir.

Xatırladaq ki, Mahir ötən ilin yayından "Kayzerslautern"in formasını geyinir.