Rüfət 45 dəqiqə oynadı

Xorvatiya çempionatında 9-cu tura start verilib.

Futbolxeber.az saytının məlumatına görə, turun açılış matçında həmyerlimiz Rüfət Abdullazadənin də formasını geydiyi “Varazdin” səfərdə “İstra 1961”in qonağı olub.

Abdullazadə də bu görüşün iştirakçısı olub. Meydana start heyətində çıxan futbolçu ilk hissədən sonra Matej Vukla əvəzlənib.

Matç “Varazdin”in 0:1 hesablı məğlubiyyəti ilə yekunlaşıb. Görüşün taleyini həll edən yeganə qol 64-cü dəqiqədə vurulub.

Qeyd edək ki, 8 oyundan 12 xalı olan “Varazdin” üçüncü pillədə qərarlaşıb.