Zidan: “Beyl “Real”da məni də geridə qoya bilər”

“Real”ın məşqçisi Zinəddin Zidan dünyanın ən bahalı futbolçusu olan Qaret Beyl haqda danışıb. Futbolxeber.az-ın məlumatına görə, dünya futbolunun canlı əfsanəsi Beylin gələcəkdə 1 nömrəli ulduz ola biləcəyini vurğulayıb: “Real”da heç kim Beylə görə narahat deyildi. Çünki hər birimiz onun səviyyəsinə, nəyə qadir olduğuna bələd idik. Məni yalnız bir məsələ narahat edir - Beyl “Real”da məni də geridə qoya bilər. O, əsl hücumameyilli futbolçudur. Heç nədən qol epizodu yaratmağı, tez-tez fərqlənməyi bacarır. Eləcə də standard vəziyyətləri əla yerinə yetirir. Beyl özü də bilir ki, lazım olacağı halda daim ona məsləhət verməyə hazıram. Dünyanın ən yaxşı futbolçusu olmaq üçün Beyldə lazım olan hər şey var”.