“Modriç futbol tarixinin ən yaxşılarından biridi”

Andrey Kramariç Xorvatiya millisindəki komanda yoldaşı Luke Modriç barədə danışıb.

Futbolxeber.az saytının məlumatına görə, təcrübəli forvard Modriç haqda müsbət fikirlər səsləndirib:

“Gələcəkdə övladlarıma Modriçlə bir komandada oynadığımızı, birlikdə qollar vurduğumuzu, eyni paltardəyişə otağını bölüşdüyümüzü deyəcəm. Bu, xüsusi bir hissdi. Çünki Modriç futbol tarixinin ən yaxşılarından biridi. O, bütün xoş sözlərə layiqdi. Bu yaşda o cür yüksək səviyyəli futbol sərgiləmək inanılmazdı. Bu, əsl möcüzədi”.