Krespo Ronaldonu öz dövrünün ən yaxşısı hesab edir

Argentina millisinin sabiq hücumçusu Ernan Krespo maraqlı açıqlaması ilə diqqət çəkib.

Futbolxeber.az saytının məlumatına görə, argentinalı veteran bildirib ki, braziliyalı Ronaldo dövrünün ən yaxşı futbolçusu olub:

“Bizim dövrümüzdə Ronaldo 1 nömrə idi. Bu, şübhəsizdir. Əbəs yerə onu Fenomen adlandırmırlar. Biz meydanda maksimum gücümüzü qoymağa çalışırdıq. O isə meydanda digərlərinin gücü daxilində olmayanları edirdi. Ronaldonun oyununu izləmək insana zövq verirdi. “İnter”ə məhz onun yerinə transfer olunmağım isə mənim üçün xoş xatirədi”.

Qeyd edək ki, 46 yaşlı Ronaldo “Qızıl top”un ikiqat qalibidi. O, 2 dəfə dünya çempionu olub.