Kyellini: “Fəxr edirəm ki, “Real” məni heyətində görmək istəyirdi”

Hazırda “Los-Anceles”də çıxış edən Corco Kyellini bildirib ki, “Yuventus”da forma geyərkən “Real”dan təklif alıb.

Futbolxeber.az saytının məlumatına görə, təklifi qəbul etməməsinə baxmayaraq, təcrübəli müdafiəçi bundan qürur duyduğunu bildirib:

“Mən o vaxt “Real”a keçməyə çox yaxın idim. Sadəcə son addımı atmaq qalırdı. Fəxr edirəm ki, “Real” məni heyətində görmək istəyirdi. Lakin yekunda “Yuventus”da qalmaq qərarına gəldim. “Real” hər nə qədər əzəmətli olsa da, Turin klubunda qazandıqlarımla qürur duyuram”.

Qeyd edək ki, 38 yaşlı futbolçu ötən mövsümün sonunda “Yuventus”dan ayrılıb.