“Böyük beşlik” çempionatlarında ən çox meydanda olan kimdi?

“Mançester Yunayted”in yarımmüdafiəçisi Bruno Fernandeş dəqiqə sayına görə “Böyük beşlik” çempionatlarında ən çox meydanda olan futbolçudu.

Futbolxeber.az saytının məlumatına görə, portuqaliyalı futbolçu cari mövsüm bütün turnirlər nəzərə alınmaqla 43 matçda forma geyib, 4320 dəqiqə meydanda olub. Bu müddət ərzində Fernandeş 8 qol vurub, 12 məhsuldar ötürmə verib.

Portuqaliyalının ən yaxın izləyəcisi “Tottenhem”in hücumçusu Harri Keyndi. İngilis forvard 3895 dəqiqə meydanda olub.

Bu iki futbolçudan başqa, “Böyük beşlik” çempionatlarında ən çox meydanda olanların beşliyində “Real”ın vingeri Vinisius Junior (3891), “Çelsi”nin yarımmüdafiəçisi Enso Fernandes (3791) və “Liverpul”un qapıçısı Alisson (3770) yer alıb.