“Bavariya” bizi tam üstələdi”

“Çelsi”nin baş məşqçisi Frenk Lempard komandasının Çempionlar Liqasının 1/8 mərhələsinin ilk oyununda “Bavariya”dan aldığı 0:3 hesablı yenilgini şərh edib.

Futbolxeber.az saytının məlumatına görə, ingilis məşqçi rəqibin qələbəyə layiq olduğunu vurğulayıb:

“Çıxışımız çox pis idi. Düzgün olmaq lazımdı - “Bavariya” bizi tam üstələdi. Məhz bu cür yüksək səviyyəli çıxışına görə Münhen klubu daim Bundesliqa və Çempionlar Liqasında favorit hesab olunur.

Onlara qarşı daha yaxşı oynaya bilmədiyimiz üçün məyusam. Bu zərbəni qarşılaşamalı, işləməyə davam etməliyik ki, daha da yüksək səviyyəyə çataq”.