“Barselona”nın 2 aparıcı üzvü “Napoli” ilə cavab görüşündə meydana çıxmayacaq

"Barselona” Çempionlar Liqasının 1/8 final mərhələsinin cavab oyunu çərçivəsində “Napoli”yə qarşı keçirəcəyi görüşə ciddi itkilərlə çıxacaq.

Futbolxeber.az saytının məlumatına görə, Kataloniya klubunun aparıcı yarımmüdafiəçiləri Serdji Buskets və Arturo Vidal martın 18-də keçiriləcək cavab matçında meydana çıxa bilməyəcəklər.

Buskets “Napoli” ilə ilk görüşün 49-cu dəqiqəsində sarı vərəqə ilə cəzalanıb. Cari mövsüm 3-cü dəfə sarı vərəqə alan futbolçu cəzalı duruma düşüb.

Vidal isə görüşün 88 və 89-cu dəqiqələrində ardıcıl ikinci sarı və avtomatik qırmızı vərəqə aldığından 3 həftə sonrakı görüşdə forma geyə bilməyəcək.

Xatırladaq ki, bu gün keçirilən "Napoli" - " Barselona" qarşılaşması 1:1 hesabı ilə yekunlaşıb.