Jerar Pike: "Qrupdan çıxmaq istəyirdik"

İspaniya millisi Dünya çempionatının ilk görüşündə Portuqaliya ilə bərabərə qaldı.

Futbolxeber.az saytının məlumatına görə, ispanların aparıcı üzvü Jerar Pike portuqaliyalılarla matç barədə danışıb: “İspaniya millisi Portuqaliya ilə görüşdə yaxşı futbol göstərməli idi. Xulen Lopeteqinin gedişinə baxmayaraq biz yaxşı oyun oynamalıydıq. Qələbə təbii ki, vacibdi. Daha vacib olan isə Lopeteqinin gedişinə baxmayaraq yaxşı futbol göstərməyimiz idi. Oyun da asan alınmadı. Əsas odu ki, bizim qol imkanlarımız oldu, üstünlük bizdə idi”.

Pike növbəti görüşlər üçün də ümid danışıb: “Növbəti görüşlərdə də bu oyun tempini itirməməliyik. Ümidvaram ki, bu çempionatda bizdə hər şey alınacaq. Hər kəs də özünü yaxşı hiss edir. Təbii ki, bu bərabərlik hər iki komanda üçün də pisdi. Ancaq biz qrupdan çıxmaq üçün oynayacağıq”.