Araz Abdullayevi komandasından heç-heçə

Milli komandamızın futbolçusu Araz Abdullayev “Anortosis”in heyətində Kipr çempionatında növbəti oyuna çıxıb.

Futbolxeber.az saytının məlumatına görə, o, 20-ci turda komandasının turnir cədvəlindəki ən yaxın izləyicilərindən “Apollon Limassol”la səfər matçında əsas heyətdə yer alıb. Futbolçumuzun 89-cu dəqiqədə əvəzləndiyi oyun 1:1 hesabı ilə yekunlaşıb.

Bu xal itkisi səbəbindən “Anortosis” turnir cədvəlində 3-cü pilləyə düşüb. Onların ehtiyatında 41 xal var. Lider “AEK Larnaka” 43 xal toplayıb.