“Yuventus” ÇL-in qalib ola biləcək gücdədi”

Ötən gün UEFA Çempionlar Liqasında 1/4 final mərhələsinə yekun vurulub. Futbolxeber.az-ın məlumatına görə, səfərdə “Yuventus”a (İtaliya) 0:3 hesabı ilə uduzan “Barselona” (İspaniya) evdə rəqibi ilə qolsuz bərabərə qalaraq turnirdə mübarizəni dayandırıb.

 

Matçdan sonra açıqlama verən meydan sahibi komandanın baş məşqçisi Luis Enrike uğursuzluğu belə şərh edib: “Sürətli oynayaraq rəqib qapısı qarşısında təhlükəli epizodlar yaratmağı planlaşdırmışdıq, ancaq son anda hücumları məntiqi sonluğa çatdıra bilmədik. İki yaxşı komandanın ifasında baxımlı oyun izlədik. “Yuventus” qarşısında “şapka çıxarıram”. Onların əla baş məşqçiləri və keyfiyyətli oyunçuları var. Bu komanda turnirin qalib ola biləcək gücdədi. Ancaq unutmaq olmaz ki, geridə qalan bütün komandalar eyni xüsusiyyətlərə malikdilər”.